Daeth y gwaharddiad ar gŵn XL Bully, a gyflwynwyd y llynedd, i rym ar 1 Chwefror 2024.

Rhaid i berchnogion ci XL Bully sy’n dymuno cadw eu ci a chydymffurfio â’r Ddeddf Cŵn Peryglus fod wedi:

• Gwneud cais am dystysgrif eithrio – dylai hyn fod wedi cael ei wneud erbyn 1 Chwefror 2024 gan fod y broses ymgeisio bellach wedi cau.
• Cael yswiriant atebolrwydd cyhoeddus trydydd parti.
• Ysbaddu eu ci XL Bully. Yn dibynnu ar oedran y ci, rhaid bod hyn wedi’i wneud erbyn 30 Mehefin neu 31 Rhagfyr 2024 a rhaid bod prawf o hyn wedi’i roi i Defra. Nid yw’r dystysgrif eithrio yn ddilys os nad yw’r ci wedi’i ysbaddu.
• Microsglodynnu’r ci XL Bully a darparu’r wybodaeth hon i Defra erbyn 31 Mawrth 2024. Os nad oedd y ci XL Bully yn ffit i gael ei ficrosglodynnu ar adeg y cais, rhaid cyflwyno tystysgrif filfeddygol sy’n nodi hyn i Defra erbyn 31 Mawrth 2024. Yna rhaid i’r ci XL Bully gael ei ficrosglodynnu, a rhaid rhoi’r rhif i Defra o fewn 28 diwrnod i ddyddiad dod i ben y dystysgrif filfeddygol. Bydd tystysgrif eithrio newydd yn cael ei rhoi gan Defra gyda rhif y microsglodyn.
• Rhaid i chi roi copi o’r dystysgrif eithrio i’r Tîm Tenantiaeth.
• Gallai methu â gwneud cais am dystysgrif eithrio arwain at orfod ailgartrefu eich ci.

O 31 Rhagfyr 2023 mae’n drosedd:

• Peidio â chadw ci XL Bully ar dennyn ac wedi’i fwselu pan yn gyhoeddus.
• Ailgartrefu, prynu, gwerthu, neu fridio ci XL Bully, trosglwyddo perchenogaeth o gi XL Bully neu ganiatáu i gi XL Bully grwydro.

Mae mwy o wybodaeth ar gael ar wefan Llywodraeth y DU – Ban on XL Bully dogs (www.gov.uk)